ليست هي "سياسة التتريك" التي اشتهر بها الأتراك ضد العرب !
بس هو التتريك بـ "ليتات" السيارة .. عالخط السريع
ظاهرة منتشرة بشكل واسع جداً بين الشباب .. أضفتها في قاموسي تحت اسم "البقرنة" .. !
على قولة أحد الشباب لو منزل الـ 200 تلقى واحد يتركلك حتى تفتحله المجال !
المشكلة تلقى المسكين ما عنده مجال يغير السايد .. يمينه واحد و قباله واحد .. شيسوي ؟!
يا أخي دوس محد قاضبك .. بس لا تضايق اللي جدامك ، لا و لين عانده ياله جدامه و قضب البريك .. هذا اللي وصل له شبابنا اليوم
و على فكرة ، الكثير من الحوادث وقعت بسبة هـ المرض المزمن
ماقول إلا .. ربك يستر
الاشتراك في:
تعليقات الرسالة (Atom)
هناك 4 تعليقات:
انا اترك حق اللي يمشي 80 على اللاين السريع .. يرفعون ضغطي والمشكله انه يسووي نفسه مو مهتم ..
واما سالفة اني ادووس بريك هذه اسويها اذا واحد ياي وراي وانا دايسه اكثر من 120 او 120 ويبيني اووخر وفي كاميرا ادووس ابويهه بريك خفيف :p
يا ليت لو تشيل تأكيد الكلمه
:)
وحياك الله بعالم المدونات :))
حياكم الله اختي العزيزة في مدونتي
معاج حق .. إذا الشارع يسمح بسرعة أقصاها 120 و اللي جدامك يمشي 80 "باللاين الأيسر" ، فهني لنا الحق بالتتريك له
بس اللي أقصده هو إذا تركلك شخص و إنت أساساً دايس فوق الـ 120 ، و السالفة كلها عناد بعناد لو تلاحظون :)
الله يهديهم إن شاءالله
بس ما فهمت عليج "يا ليت لو تشيل تأكيد الكلمه" ؟ D:
يا ريت لو توضحين أكثر
اللي يسوون جذي واايد :/
اقصد بتأكيد الكلمه
لما اكتب الكومنت عندك
لازم احط احرف نفس ملون الايميل
عشان تعرف قصدي دش على التعليقات
من غير لا اتسجل دخوول باسمك وراح تفهم قصدي ان شاء الله :)
عرفت المشكلة و حليتها :)
شكراً على التنبيه
إرسال تعليق